Техникалық механика негіздері

Механика – материалық денелердің механикалық қозғалысы жəне өзара əсерлері туралы ілім. Техникалық механика Механиканың, дене қозғалысы заңын жəне осы қозғалыстардың жалпы сипаттамаларын зерттейтін, бір бөлімі болып табылады. Осы заңдылықтардың негізінде, ғимараттар, механизмдер мен машиналарды құрастыруға жағдай жасайтын техникалық механиканың əдістері мен тəсілдері жасалды, сонымен қатар əртүрлі техникалық жəне құрылыстық конструкцияларды беріктікке, орнықтылыққа, қатаңдыққа, яғни берілген жүктеме деңгейінде жұмыс істеу қабілетіне іс жүзінде есептеулер жүргізуге мүмкіндік береді. Техникалық механиканың негізінде классикалық механиканың негізгі заңдары жатады. Техникалық механика – «Теориялық механика» жəне «Материалдар кедергісі» пəндерінен тұрады. Колледждер үшін техникалық механиканың əрбір келесі бөлімін оқу студенттердің алдыңғы бөлімдерді білетіндігіне, ал сонымен қатар жалпы білім беретін – математика, геометрия, физика пəндерінен базалық білімдер игергендіктеріне негізделген.